الكاليجرافي (Calligraphy)، التيبوجرافي (Typography)، والليتريننج (Lettering).

معرفة الفرق بينهم مش بس هيساعدك تطوّر شغلك، لكن كمان هيوجهك لطريقك الصح في المجال اللي تحبه أكتر.

في المقال ده، هتلاقي شرح مبسط لكل مصطلح، مع أمثلة توضّح الفكرة.

---

ده فن الكتابة اليدوية سواء بالعربي أو بأي لغة تانية،

وبيتم باستخدام أدوات معينة زي البوصة، الحبر، أو أدوات رقمية بتقلد الأسلوب ده.

الكاليجرافي دايمًا بيكون ليه قواعد محددة في شكل الحروف وتكوينها.

يعتمد أكتر على "الخط" كفن تقليدي، وبيتطلب تمرين مستمر علشان تتقنه.

🟢 مثال:

الخط العربي الكلاسيكي بأنواعه (نسخ، ثلث، ديواني...)

---

التيبوجرافي هو فن ترتيب الحروف والكلمات داخل مساحة معينة،

علشان يطلع شكل مقروء، منسجم، وبيدي الإحساس المناسب للمحتوى.

بيستخدم قواعد زي:

- توزيع المسافات

- المحاذاة

- اختيار الفونت المناسب

- حجم ووزن الخط

هو مش رسم حروف بإيدك، لكن هو تعامل مع الفونت الجاهز وتنظيمه بشكل بصري.

🟢 مثال:

الكتب، المجلات، المواقع، والإعلانات المكتوبة.

---

الليتريننج هو تصميم الحروف بشكل إبداعي يخدم فكرة معينة.

مش بالضرورة يكون بأسلوب خط تقليدي أو بقواعد معينة،

لكن مهم يكون فيه توازن بصري وشكل جذاب.

ممكن تستلهم من خطوط موجودة،

أو تبتكر أشكال جديدة للحروف علشان توصّل رسالة معينة أو تعبر عن شخصية البراند.

🟢 مثال:

كلمة مرسومة زي "خليك طبيعي" بأسلوب حر.

---

- لو بتحب الكتابة اليدوية والتفاصيل الدقيقة؟ جرب الكاليجرافي.

- لو بتحب ترتيب النصوص وبتشتغل على مطبوعات أو مواقع؟ التيبوجرافي هي سكتك.

- لو بتعشق الإبداع والتكوين البصري؟ الليتريننج هي ملعبك.

تقدر تتابعني علي انستجرام أو بيهانس 🎨